الموضوع: هنيكم يالي باليل تنامون

هنيكـم يالـلـي بلـيـل تنـامـون
مرتاحـة اجسامكـم مـن سهـرهـا
ناس فـي احـلام و نـاس يغطـون
والكـل منهـم غـارقٍ فـي بحرهـا
أحـد شخيـره مثـل نفـخٍ بجيلـون
واحـد مدافعهـم تطايـر شـررهـا
إلى رقـد فالنـوم للعيـن مضمـون
مـا مـرةٍ شافـت عيونـه كدرهـا
و انا طوال الليـل و انتـم تشوفـون
أوصّف نجـوم السمـا مـع قمرهـا
مهما جرى لي لا تقولون وش لـون
هذا هـوا نفسـي و لا حـدٍ جبرهـا
لا نيب مهمـوم و لا نيـب محـزون
لكـن بـلاوي هالحيـاة و عبـرهـا
مانيب اطيع النـاس فيمـا يقولـون
كـم عامـر داره عمـاره دمـراهـا
بعض العرب عن بعض ماهمب يدرون
تمضي السنه يحسبه فـأول شهرهـا
بالهون يا من قال غلطـان بالهـون
قطرة مطرهـا فـاض منهـا بحرهـا
إللي على الاقـدام و إللـي يطيـرون
ما حدٍ نفـخ فـي جثـةٍ قـد قبرهـا
كـم فاتحيـن مبصريـن و يعمـون
و كم غارق في بيـره إللـي حفرهـا
يـا جاهليـن أسرارهـا لا تلومـون
قبـل يتبـيـن بالـدلايـل خبـرهـا
لعلكـم بعـد المعـرفـه تـعـذرون
بعض الظنـون الله يعـدي خطرهـا
دستوركـم لعيـون غالـي تحبـون
لا تظلمونـي كـل عيـن و نظرهـا
قولوا معي من صـار لابـد مفتـون
الله يسـهـل لــه دروب نحـرهـا

تسلم على الأبيات الجميلة خصوصا في الإجازة
الناس أكثرهم يسهر والحمدلله إني مني منهم

ابيات جميله ومعبره ولا اروع من ذلك الله يعطيك العافيه اقبل تحيتى

اسيـرـر الصمت ،،، غنوووجة،،،،، انا،،،، روكة شركس
شاكر لكم على المرور المتواصل الذي يسعدني بالتاكيد
لاعــــــدمــــــــنــــــــاكــــــــــــــــم

صح بدنك
شاكر لك مرورك يالغلا
دمت بووووووووووووووود